وانا صغير كنت من النوع اللي بيحب يرمرم اي حاجه قدامه في الشارع
حتي لو مش جعان
وللأسف تقريبا ده مرض وكبر معايا واستمر
مش هطول عليكم
في مرة رحت اشتري فينو للمدرسة ولقيت الراجل بتاع الفينو قدامه صاج مليان باتيه بالعسل ومغطية بسلوفان
المهم قولتله بكام الواحده من دي ؟؟ قالي ب 2 جنيه
قولتله طيب انا مش معايا غير جنيه ونص
قالي هات نص جنيه وتعالي
قولت بيني وبين نفسي لسه هروح البيت واجي تاني !!
فقولتله طيب بص شيل من الفينو صوباعين علي الجنية ونص اللي معايا يبقي كده وصلك 2 جنيه تمن الباتيه
محاولات رهيبة مني علشان احصل علي قطعة الباتيه اللي العسل مغرقها ومستخبيه تحت السلوفانه ومتحاوطه بصاجها الحديد
المهم اخيرا حصلت علي قطعة الباتية وحطهالي في كيس بلاستك
جيت امسكها واكلها لقيتها ناشفة جدا وطعمها سئ
ركنتها علي جنب ومشيت زعلان علي حاجتين
الجنية ونص اللي خسرتهم وصوباعين الفينو اللي بعتهم
خلاصة كلامي اوعي تخسر حد او تبيعه علشان حد تاني متزوق قدامك وباين انه حلو والعسل نازل منه
جايز يكون صوباعين الفينو دول اهلك اللي هتعاندهم علشان خاطر حد انت شايف جماله ومتعرفش انه جمال مزيف
جايز يكون صوباعين الفينو دول اصحابك اللي هتخسرهم بسبب عدم اهتمامك ليهم بعد ماتلميت علي حد تاني وطلع فلصوووو
جايز وجايز وجايز .. خليك عارف حاجه مهمة انا شخصيا اتعلمتها
ان صاج الحياة مليان بلاوي ... وكتير من الناس اللي فكرتهم باتيه بالعسل .. طلعوا بسكوت مملح
وانا صغير كنت من النوع اللي بيحب يرمرم اي حاجه قدامه في الشارع
حتي لو مش جعان
وللأسف تقريبا ده مرض وكبر معايا واستمر
مش هطول عليكم
في مرة رحت اشتري فينو للمدرسة ولقيت الراجل بتاع الفينو قدامه صاج مليان باتيه بالعسل ومغطية بسلوفان
المهم قولتله بكام الواحده من دي ؟؟ قالي ب 2 جنيه
قولتله طيب انا مش معايا غير جنيه ونص
قالي هات نص جنيه وتعالي
قولت بيني وبين نفسي لسه هروح البيت واجي تاني !!
فقولتله طيب بص شيل من الفينو صوباعين علي الجنية ونص اللي معايا يبقي كده وصلك 2 جنيه تمن الباتيه
محاولات رهيبة مني علشان احصل علي قطعة الباتيه اللي العسل مغرقها ومستخبيه تحت السلوفانه ومتحاوطه بصاجها الحديد
المهم اخيرا حصلت علي قطعة الباتية وحطهالي في كيس بلاستك
جيت امسكها واكلها لقيتها ناشفة جدا وطعمها سئ
ركنتها علي جنب ومشيت زعلان علي حاجتين
الجنية ونص اللي خسرتهم وصوباعين الفينو اللي بعتهم
خلاصة كلامي اوعي تخسر حد او تبيعه علشان حد تاني متزوق قدامك وباين انه حلو والعسل نازل منه
جايز يكون صوباعين الفينو دول اهلك اللي هتعاندهم علشان خاطر حد انت شايف جماله ومتعرفش انه جمال مزيف
جايز يكون صوباعين الفينو دول اصحابك اللي هتخسرهم بسبب عدم اهتمامك ليهم بعد ماتلميت علي حد تاني وطلع فلصوووو
جايز وجايز وجايز .. خليك عارف حاجه مهمة انا شخصيا اتعلمتها
ان صاج الحياة مليان بلاوي ... وكتير من الناس اللي فكرتهم باتيه بالعسل .. طلعوا بسكوت مملح